Azərbaycan milli komandasının sabiq üzvü Aqil Nəbiyev iş yerini dəyişib.

Futbol11.az xəbər verir ki, futbolçu kimi yetişdiyi "Turan Tovuz”da baş məşqçi Əsgər Abdullayevin köməkçisi kimi çalışan Nəbiyev bundan sonra fəaliyyətini baş məşqçi kimi davam etdirəcək. B kateqoriyalı gənc mütəxəssis "Zirə”nin U-17 komandasının baş məşqçisi təyin olunub və işinin icrasına rəsmən başlayıb.

Qeyd edək ki, mərkəz müdafiəçisi karyerası ərzində "Turan Tovuz”, AZAL, "Bakı”, "Neftçi” kimi klublarda çıxış edib. Futbolçu Berti Foqtsun dönəmində milli komandaya da dəvət alıb.