Bu gün "Turan"ın əfsanəvi kapitanı və baş məşqçisi Sakit Alıyevin anım günüdür.
Sportfm.az xəbər verir ki, Alıyev uzun sürən xəstəlikdən sonra 2015-ci ilin 12 oktyabrında 50 yaşında ikən dünyasını dəyişib.
Sakit Alıyev 1965-ci il dekabrın 22-də Tovuzda anadan olub. O, futbolçu karyerasına 1992-ci ildə "Turan"da başlayıb. 1997-ci ildə "Kəpəz"ə keçsə də, bir il sonra Tovuz komandasına qayıdıb və karyerasını başa vurduğu 2004-cü ilədək orada çıxış edib. 2005-ci ildə isə S.Alıyev "Turan"da baş məşqçi Naci Şensoyun köməkçisi kimi fəaliyyətə başlayıb. 2006-cı ilin yanvarından etibarən o, qısa fasilələrlə komandada baş məşqçi və məşqçi kimi çalışıb. 2011-ci ilin mayında məşq zamanı insult keçirən mütəxəssis yerə yıxılıb. Həmin vaxtdan o, daim həkim nəzarətində olub. S.Alıyev futbolçu kimi 1994-cü ildə "Turan"la, 1998-ci ildə isə "Kəpəz"lə ölkə çempionu olub. 1995-ci ildə Tovuz komandası ilə gümüş, 1992 və 1993-cü illərdə bürünc medal qazanıb.
Qeyd edək ki, mərhum Tovuzun Bozalqanlı kənd qəbiristanlığında dəfn olunub.

Oxşar xəbərlər

Kaxaber Sxadadze yenidən Azərbaycanda - TƏYİNAT

Bü gün Anatoli Banişevskinin doğum günüdür

Bu gün mərhum şahmatçımız Vüqar Həşimovun anım günüdür

"Qəbələ" iki yerli futbolçu ilə gücləndi

Millimizin sabiq üzvü “Zirə”də baş məşqçi oldu