"Maraqlı görüş alındı. Bu qədər qol vuruldusa, düşünürəm ki, azarkeşlərə də zövq verdi".

Sportfm.az xəbər verir ki, bu fikirləri "Neftçi"nin baş məşqçisi Samir Abasov Bakıda İsrailin "Makkabi" (Hayfa) klubu ilə 3:3 hesablı heç-heçə etdikləri UEFA Konfrans Liqasının pley-off mərhələsinin ilk oyunundan sonra mətbuat konfransında deyib.

43 yaşlı mütəxəssis bildirib ki, rəqibin hansı səviyyədə olduğunu bilirdilər: "Onlara qarşı sonadək vuruşmaq istəyi ilə meydana çıxmışdıq. Oyuna görə müəyyən plan qurmuşduq. Birinci hissə sönük keçdi, rəqib bizdən daha fəal idi. Bunu gözləyirdik. Amma ikinci yarıda 3 qol vurduq. Fikrimcə, ilk hissədə də bunu edə bilərdik. Sadəcə, son paslar bizə mane oldu. İstədiyimizi əldə edə bilmədik".

Onun sözlərinə görə, ikinci hissədə oyunları daha yaxşı alınıb: "Təəssüflər olsun ki, hesabı qoruya bilmədik. Amma əhval-ruhiyyə yaxşıdır".

Oxşar xəbərlər

"Bu nəticə bizi qane edir" - "Makkabi"nin baş məşqçisi

"Həm Türkiyə "Fənərbaxça"sı, həm də İsrailin "Makkabi"si güclü rəqiblərdir" - Samir Abasov

"Həyəcanlı qarşılaşma oldu" - Samir Abasov

"Azlıqda qalmaq işimizi çətinləşdirdi" - "Sabah"ın baş məşqçisi

"3:0 hesabı ilə qalib gələ bilərdik" - Canni De Byazi