Premyer Liqada fasiləyə sonuncu sırada yollanan AZAL hazırlıqlarını davam etdirir. 

Sportfm.az xəbər verir ki, klubun aparıcı üzvlərindən olan gürcüstanlı Nuqzar Kvirtiya saytımıza açıqlamasında komandanın üçüncü dövrədən etibarən daha yaxşı çıxış edəcəyinə inandığını bildirib:

"Düşünürəm ki, yaxşı hazırlıq keçdik. Komandanı tərk edənlər oldu, ancaq unutmayaq ki, sıralarımıza yeni futbolçular qoşulub. İnanıram ki, onlarla heyətimiz daha da güclənəcək. Üçüncü dövrədə daha yaxşı çıxış edərək, yuxarı pillələrə qalxmaq istəyirik. AZAL hazırda layiq olduğu yerdə deyil. Bunu əminliklə deyə bilərəm”- Kvirtiya qeyd edib. 

Qeyd edək ki, Tərlan Əhmədovun rəhbərlik etdiyi komanda 14 turdan sonra 8 xalla Premyer Liqanın turnir cədvəlində sonuncu sırada yer alır.