"Səfərdə 3 yoldaşlıq matçı keçirdik. İkisində uduzub, birində qalib gəldik".

Sportfm.az xəbər verir ki, bu fikirləri futbol üzrə Azərbaycan millisinin baş məşqçisi Canni De Byazi Moldova yığmasına 0:1 hesabı ilə uduzduqları yoldaşlıq oyunundan sonra mətbuat konfransında deyib.

İtaliyalı mütəxəssis bildirib ki, görüşün əvvəlində buraxılan qol planları pozub: "Standart vəziyyətdən qol buraxdıq. Amma sonadək mübarizə apardıq. Futbolçularımız yorğun idi. Gücümüz az qalmışdı. Bu matçdan çox şey öyrənə bilərik. Bizim üçün yaxşı təcrübə oldu".

65 yaşlı baş məşqçi Belarusa qarşı yoldaşlıq görüşü ilə bugünkü qarşılaşmanı müqayisə edib: "Belarusla matçda 6 dəyişiklik etdik. Ondan sonra oyunun keyfiyyəti qalxdı. Bu gün isə alınmadı, nəticə qazana bilmədik. Halbuki kifayət qədə epizodlarımız oldu. Keyfiyyət çatmadı. Düşünürəm ki, daha çox inkişaf etməliyik".

De Byazi oyunun sonlarında zədələnən Bədavi Hüseynovun durumuna da toxunub: "Dizində zədəsi var. Amma dəqiq bilinmir. Bir az da gözləməliyik".

Oxşar xəbərlər

“Rəqib yaxşı komandadır” – De Byazi

"Futbolçular əllərindən gələni etməlidilər" - Canni De Byazi

"Elvin Bədəlov və Bəhlul Mustafazadə hazır deyil" - Canni De Byazi

"Futbolçularda qalib psixologiyasını formalaşdırmalıyıq" - De Byazi

"Bu gün bütün futbolçularımızın səsini eşitdik" - Canni De Byazi