Mayın 25-də Bakıda start götürən paracüdo üzrə “IBSA Judo Grand-Prix Baku 2021” beynəlxalq turnirində Azərbaycan idmançıları iki qızıl medal qazanıblar.

Sportfm.az xəbər verir ki, Sevda Vəliyeva (57 kq) finalda özbəkistanlı rəqibi Parvina Samandarovaya qalib gələrək qızıl medal qazanıb. Digər qızıl medalı isə komandamızın aktivinə Namiq Abbaslı (66 kq) yazdırıb. O, həlledici qarşılaşmada özbəkistanlı Utkirjon Niqmatova qalib gəlib.

Bundan əvvəl paracüdoçularımız 4 bürünc medala sahib olublar.

Kişilərin yarışında Vüqar Şirinli (60 kq), qadınların mübarizəsində Şəhanə Hacıyeva (48 kq), Bəsti Səfərova (52 kq) və Afaq Sultanova (57 kq) üçüncü yeri tutublar.

Qran-Pridə kişilərin yarışında Azərbaycanı 7 çəki dərəcəsində 9 idmançı təmsil edir. Qadınların yarışında isə 6 çəki dərəcəsində 9 idmançımız mübarizə aparır. Qran-Pridə ümumilikdə 38 ölkədən 200 idmançı medallar uğrunda yarışır.

“IBSA Judo Grand-Prix Baku 2021” Qran-Prisi turniri Tokio Yay Paralimpiya Oyunlarına reytinq xalları qazandırır.

Oxşar xəbərlər

Paracüdoçularımız Qran Pridə finalda

Bakıda paracüdo üzrə beynəlxalq Qran-Pri start götürdü

Paracüdoçular Daşkənd Qran-Prisində güclərini sınayır

Özbəkistan komandası Bakıda ən güclüdür

Azərbaycan cüdoçuları Qran Pridə 3 qızıl, 1 bürünc medal qazandı