Azərbaycan cüdoçusu Murad Fətiyev Rusiyanın Kazan şəhərində keçirilən "Böyük Dəbilqə" yarışında bürünc medal qazanıb.
Sportfm.az xəbər verir ki, yarışa 1/16 finaldan başlayan cüdoçumuz ardıcıl olaraq Terens Koumaba (Qabon), Həsən Xalmurzayev (Rusiya) və Aslan Lappinaqovu (Rusiya) mübarizədən kənarlaşdıraraq yarımfinala çıxıb.
Bu mərhələdə macar cüdoçu Attila Unqvariyə uduzan Murad bürünc medal uğrunda görüşə qatılıb. 3-cü yer uğrunda qarşılaşmada Belarus atleti Yunus Bekmurzayevə qalib gələn cüdoçumuz bürünc medal qazanıb. Murad Fətiyev Tokio Olimpiya Oyunlarına vacib lisenziya xalları qazanıb. Bu, Azərbaycanın ümumilikdə 21-ci olimpiya lisenziyası olub.
Böyük Dəbilqəyə mayın 7-də yekun vurulacaq. Milli komandamız turnirdə 10 cüdoçu ilə təmsil olunur.

Oxşar xəbərlər

4 cüdoçumuz mübarizəyə başlayır - Böyük Dəbilqə

Tbilisidə növbəti medal - Böyük Dəbilqə

Cüdoçumuz bürünc medal üçün döyüşəcək - Böyük Dəbilqə

Rüstəm Orucovdan əsgər salamlı zəfər - FOTO

Cüdoçumuz Okeaniya turnirində üçüncü oldu