"Deyiləcək söz yoxdur. Son neçə oyundur ki, qol vurmaqda çətinlik çəkirik. Amma yaradıcılıqdan razıyam. Oyunçular qrafikə görə də əziyyət çəkirlər. Futbolçularımı təbrik edirəm, Rəşad Sadıqova uğurlar arzulayıram".

Sportfm.az xəbər verir ki, bu fikirləri "Qarabağ"ın baş məşqçisi Qurban Qurbanov "Zirə" ilə 1:1 hesablı heç-heçə etdikləri Premyer Liqanın XXV tur oyunundan sonra mətbuat konfransında deyib.

49 yaşlı mütəxəssis Mahir Emrelinin durumu haqqında danışıb: "Klub tərəfindən açıqlama verilib. O, mayda azad agent olacaq. Bütün danışıqları özü və meneceri aparır. Bir neçə təklifləri var. Heç bir komanda ilə masa arxasına oturmayıb. Özünün də istəyi Avropaya çıxmaqdır. Mən də baş məşqçi olaraq sevinərəm ki, azərbaycanlı futbolçu daha səviyyəli komandada oynasın. Mövsümün sonunda təklifimizi yenə edəcəyik".

Oxşar xəbərlər

"Oyundan və nəticədən razı qaldım" - Qurban Qurbanov

"Niyə düşünürlər ki, "Qarabağ" zəifləyib?" - Qurban Qurbanov

"Sanki hər şey bizə qarşı idi" - Qurban Qurbanov

“Ədalətli nəticə heç-heçə idi” - Qurban Qurbanov

"Qol vurmaqda çətinlik çəkirik" - Yunis Hüseynov