Futbol üzrə Azərbaycan kuboku tarixində ilk dəfə ardıcıl ikinci finalda eyni baş məşqçilər iştirak edəcəklər.

Sportfm.az xəbər verir ki, Ayxan Abbasov 2018/2019-cu il mövsümündə olduğu kimi, yenə “Sumqayıt”ın “sükanı arxası”nda həlledici qarşılaşmaya vəsiqə qazanıb. “Keşlə”yə rəhbərlik edən Sənan Qurbanov isə 2 il öncə “Qəbələ”nin baş məşqçisi kimi buna nail olub. Ötən mövsüm yarımçıq dayandırıldığından baş tutan son finalın iştirakçıları 2 ildən sonra yenidən üz-üzə gələcək. Ölkə kubokunun 29 illik tarixində bunadək belə hadisə qeydə alınmayıb.

Həmçinin Sənan Qurbanov ardıcıl iki finala fərqli komandalarla yüksələn ilk mütəxəssisdir. Ona qədər bir neçə məşqçi 2, hətta 3 dəfə ardıcıl final həyəcanı yaşasa da, buna eyni komanda ilə nail olub.

Qeyd edək ki, baş tutan son finalda “Qəbələ” “Sumqayıt”a 1:0 hesabı ilə qalib gəlib.

Oxşar xəbərlər

“Sabah”ın tarixində ilk məhsuldar seriya - Premyer Liqa

"İkinci"lərdə əlamətdar final - Azərbaycan Kuboku

Tarixdə 3-cü dəfə

4-cü final, 29-cu duel

Ardıcıl 4-cü yarımfinal: "Qarabağ"la 52-ci oyun