Milli komandamızın üzvü Ruslan Abışov karyerasını "Neftçi"də davam etdirəcək.

Sportfm.az xəbər verir ki, bu barədə futbolçunun qardaşı və meneceri Sərxan Abışov məlumat verib.

Onun sözlərinə görə, Ruslan bu gün "Neftçi"nin düşərgəsinə qoşulacaq və axşam saatlarında müqavilə imzalayacaq.

Abışovun son klubu olan "İnter"lə mövsümün sonuna qədər müqaviləsi var idi.

Qeyd edək ki, 29 yaşlı müdafiəçi 2006-2012-ci illərdə də yetirməsi olduğu "Neftçi"də çıxış edib. Bu, "Neftçi"nin 7-ci transferidir. Paytaxt klubu buna qədər Namiq Ələsgərov, Georgi Navalovski, Zdenek Folprext, İqnasio Errera, Kirill Petrov və Pavel Dreksanı heyətinə cəlb edib.