London "Arsenal”ı 20 yaşlı həvəskar futbolçu ilə müqavilə imzalayıb. 

Sportfm.az xəbər verir ki, İngiltərənin 7-ci divizionunda(həvəskarlar liqasında) mübarizə aparan "Ednesford Taun” klubunun müdafiəçisi Koen Bremel London komandası ilə 3.5 illik müqaviləyə qol çəkib. 40 min funt sterlinq transfer dəyəri olan gənc futbolçunu uzun müddətdir izləyən "Arsenal” skautları onun paytaxta köçməsini zəruri sayıb. 

Qeyd edək ki, təlim-məşq toplanışında sınanan futbolçu "kanonirlər”in 23 yaşlılardan ibarət komandasının heyətində çıxış edəcək.