Bu gün Macarıstanın paytaxtı Budapeştdə güləş üzrə Avropa Olimpiya Təsnifat Turniri start götürəcək.

Sportfm.az xəbər verir ki, martın 21-dək davam edəcək yarışda Azərbaycanın 16 pəhləvanı mübarizə aparacaq.

Yarış Bakı vaxtı ilə saat 14:00-da start götürəcək. Yarımfinallar isə saat 21:00-da başlayacaq. Hər çəkidə finala vəsiqə qazananlar həm də Tokio-2020 Yay Olimpiya Oyunlarına lisenziya əldə edəcəklər.

Sərbəst güləş

57 kq
1/8 final: İslam Bazarqanov - Niklas Steşele (Almaniya)

65 kq
1/8 final: Hacı Əliyev - George Ramm (Böyük Britaniya)

74 kq
1/8 final: Hacımurad Hacıyev - Andre Afa (Fransa)

86 kq
1/8 final: Abubakr Abakarov - İştvan Vereb (Macarıstan)

125 kq
1/4 final: Camaləddin Məhəmmədov - Tapani Heyno (Finlandiya)

Qeyd edək ki, martın 19 - 20-də qadın, 20 - 21-də isə yunan-Roma güləşi üzrə mübarizə baş tutacaq

Qadınlardan ibarət millinin tərkibində Leyla Qurbanova (53 kq), Alyona Kolesnik (57 kq), Tatyana Omelçenko (62 kq), Elis Manolova (68 kq) və Gözəl Zutova (76 kq) çıxış edəcək.

Yunan-Roma güləşçilərindən isə Murad Məmmədov (60 kq), İslambek Dadov (67 kq), Sənan Süleymanov (77 kq), İslam Abbasov (87 kq), Murad Lokyayev (97 kq) və Beka Kandelaki (130 kq) olimpiadaya lisenziya qazanmağa çalışacaq.

Oxşar xəbərlər

Yunan-Roma güləşində ilk lisenziya

Yunan-Roma güləşçilərimiz mübarizəyə başlayır - Təsnifat turniri

Qadın güləşçilərimiz mübarizəyə başlayır - Təsnifat turniri

4 güləşçimiz yarımfinalda - Təsnifat turniri

Yığmalarımızın heyəti açıqlandı - Lisenziya turniri üçün