“Qarabağ” Azərbaycan Premyer Liqasının XVI turunda növbəti səfər heç-heçəsinə imza atıb.

Sportfm.az xəbər verir ki, “Sumqayıt”la qolsuz bərabərlik Qurban Qurbanovun baş məşqçi olduğu komanda rəqib meydanındakı 6-cı sülhü olub.

Bu, klub tarixinin rekordunun təkrarıdır.

Ağdam təmsilçisi 1992-ci ildən qatıldığı ölkə çempionatlarında heç vaxt 6-dan artıq səfər matçında heç-heçə etməyib. 1993, 1993/94, 1999/2000, 2009/10, 2011/12 və 2012/13 mövsümlərində rəqib meydanından altı dəfə 1 xalla dönən “Qarabağ” 7-ci dəfə eyni göstəriciyə imza atıb.

Qeyd edək ki, ağdamlılar cari mövsümdə daha 6 səfər oyununa çıxacaq. Bu görüşlərdə qeydə alınacaq bir heç-heçə mütləq rekordla nəticələnəcək.

Oxşar xəbərlər

“Qarabağ”dan tarixi rekord

“Qarabağ”ın ən uğurlu seriyası

“Qarabağ”ın yeni rekordu - Azərbaycan çempionatları

"Qəbələ" 8 illik rekordu təkrarladı - Premyer Liqa

"Qarabağ"ın 100-cü heç-heçəsi