Sportfm.az xəbər verir ki, Azərbaycan Milli Antidopinq Agentliyinin (AMADA) əməkdaşları öz təşəbbüsləri ilə ölkəmizin ərazi bütövlüyünün bərpası uğrunda döyüşlərdə yaralananlara və şəhid olanların ailələrinə dəstək məqsədi ilə ianə aksiyası həyata keçirib.

Belə ki, AMADA-nın bütün əməkdaşları öz əmək haqlarından ümumilikdə 15 500  manat  vəsaiti könüllü olaraq “YAŞAT” Fonduna köçürüb. AMADA kollektivi bir daha döyüşlərdə yaralanan  hərbçilərimizə şəfa  diləyir, şəhid olan hərbçilərimizin ailələrinə və yaxınlarına  baş sağlığı verir.