Fransa çempionatının 11-ci turunda keçirilməli olan “Marsel" – “Nitsa” matçı təxirə salınıb.

Sportfm.az xəbər verir ki, bu barədə turnirin rəsmi saytı məlumat yayıb.
Matçın “Nitsa”da koronavirusa yoluxanların çox olması səbəbindən təxirə salındığı bildirilib.

“Nitsa”nın Fransa Futbol Federasiyasına verdiyi raporta görə, komandanın 30 futbolçudan ibarət heyətində 19 nəfərin COVİD-19 testi pozitiv çıxıb.

Qeyd edək ki, sözügedən matç noyabrın 22-də keçirilməli idi. Qarşılaşmanın yeni tarixi hələ müəyyənləşməyib.