"Qəbələ" klubunun prezidenti Fariz Nəcəfov Azərbaycanın İkinci Qarabağ müharibəsində qazandığı qələbə ilə əlaqədar feysbuk səhifəsində paylaşım edib.

Sportfm.az xəbər verir ki, müharibənin iştirakçısı olan funksioner bu münasibətlə Azərbaycan xalqını təbrik edib:

"Böyük Vətən müharibəsində qazandığımız möhtəşəm qələbə münasibətilə Ali Baş Komandan başda olmaqla, xalqımızı təbrik edirəm. Bu qalibiyyətin əldə olunmasında qəhrəmanlıqla şəhid​ olan hər bir əsgər və zabitimizin ruhu qarşısında baş əyirəm. Şəhidlərimizin valideynlərinin əllərindən öpürəm. Tarixi zəfərin əldə olunmasında "hər şey cəbhə üçün" devizi altında birləşən və ölçüyəgəlməz ruh yüksəkliyi ilə ordumuzun yanında olan millətimizin hər bir övladı ilə fəxr edirəm.

Qalib Azərbaycan xalqına eşq olsun"!, - Fariz Nəcəfov yazıb.

Qeyd edək ki, Fariz Nəcəfov döyüşlərə ehtiyatda olan zabit kimi könüllü qatılıb və hazırda cəbhə bölgəsində xidmətini davam etdirir.

Oxşar xəbərlər

Fariz Nəcəfov Nəriman Abbasovla görüşdü

"Qəbələ"dən anlamlı jest - FOTO

"2020-ci il xalqımız üçün zəfər ili oldu" - Rövnəq Abdullayev

"Qəbələ"nin prezidenti cəbhədən qayıtdı

"Yaşadığım hissləri sözlə ifadə edə bilmirəm" - Rəşad Sadıqov