“Avstriya ilə oyuna nəticə əldə etmək üçün çıxmırıq. Əks-halda start heyətdə ən yaxşı oyunçularıma yer verərdim”.

Sportfm.az xəbər verir ki, bu sözləri milli komandamızın Millətlər Liqasındakı rəqibi Lüksemburq yığmasının baş məşqçisi Lük Holts “Avstriya” ilə yoldaşlıq oyunundan əvvəl açıqlamasında deyib. O, qarşıda Azərbaycanla keçirəcəkləri matçın ciddi olduğunu bildirib:

“Futbolçularıma rəsmi görüşlərə daha hazır olmaları üçün oyunda müəyyən qədər vaxt verəcəyəm. Qarşıda bizi Kipr və Azərbaycana qarşı çox ciddi iki oyun gözləyir. Məqsədimiz B liqasına vəsiqə qazanmaqdır. Bunun üçün də qrupdakı son matçlarda mütləq qalib gəlməliyik”.

Qeyd edək ki, 17 noyabrda keçiriləcək Lüksemburq - Azərbaycan matçı Bakı vaxtı ilə 23:45-də start götürəcək.