"Qəbələ” Futbol Akademiyası aşağı yaş qruplarına qış seçimləri elan edir. Sportfm.az klubun rəsmi saytına istinadən yaydığı xəbərə görə, seçimlər Qəbələ şəhər stadionunda 25-26 dekabr tarixlərində 2000 - 2009-cu il təvəllüdlü futbolçular arasında keçiriləcək. Seçimlərdə iştirak etmək istəyən futbolçular qeydiyyatdan keçmək üçün aşağıda göstərilən əlaqə nömrəsinə və ya email ünvanına adını, soyadını və doğum tarixini göndərməli, seçimlərə gələrkən şəhadətnamə və ya şəxsiyyət vəsiqələrinin surətini gətirməlidirlər.

Tel: 050 290 00 63, 055 511 39 65 

Email: recruitment@gabalafc.az       

Seçim tarixləri: 

Qəbələ Şəhər Stadionu 

25 dekabr – 2000, 2001, 2002, 2003, 2004-cü il təvəllüdlü futbolçular 

26 dekabr – 2005, 2006, 2007, 2008, 2009-cu il təvəllüdlü futbolçular

Seçimlər saat 10:00-da başlayacaq. Xatırladaq ki, ilkin seçim mərhələsində göstərilən təvəllüdlərə uyğun istənilən şəxs iştirak edə bilər. 

Əgər sən də özündə futbolçu istedadı hiss edirsənsə, seçimlərə qatıl. Qələbəyə "Qəbələ” ilə addımla!!!