Noyabrın 24-də "Futsal time" növbəti dəfə idmansevərlərin görüşünə gəlib.

SPORTFM-dən canlı yayımlanan verilişdə aparıcı Araz Əhmədovla yanaşı, çimərlik futbol üzrə milli komandamızın, futzal üzrə birinci liqada çıxış edən "Hell Energy” klubunun üzvləri Hikmət Bağırov və Renat Sultanov, həmçinin "Marafon” komandasının icraçı direktoru Samir Məmmədov iştirak edib. Bir saat ərzində yüksək liqa, birinci liqa və "Araz”ın elit mərhələdə baş tutan görüşləri geniş müzakirə edilib. Proqramda S.Məmmədov futnet üzrə 11-ci dünya çempionatına qatılan Azərbaycan yığmasının çıxışlarından da danışıb.

Qeyd edək ki, "Futsal time" proqramı hər həftənin cümə axşamı saat 18:00-da SPORTFM kanalında canlı yayımda efirə gedir. SPORTFM kanalı KATV kabel televiziyası, Myvideo.az portalı və Sportfm.az və Milli.az saytları vasitəsilə yayımlanır.