Noyabrın 17-də "Futsal time" adlı proqram, növbəti dəfə idmansevərlərin görüşünə gəlib. SPORTFM-dən canlı yayımda efirdə gedən proqramda aparıcı Araz Əhmədovla yanaşı, futzal üzrə birinci liqada çıxış edən "İFFA” klubunun qapışısı Sübhan Hüseynov, "Nəbi” komandasının icraçı direktoru Tofiq Şahmuradov və idman jurnalisti Orxan Hüseynov iştirak ediblər. Bir saat ərzində yüksək liqada yaranan vəziyyət, "Araz”ın elit mərhələdə baş tutacaq görüşləri, futzala sponsorların cəlb edilməsi ilə bağlı məsələlər müzakirə olunub.