İslam Həmrəyliyi İdman Federasiyasının (İHİF) İcraiyyə Komitəsinin və 2021-ci ildə Türkiyədə keçiriləcək V İslam Həmrəyliyi Oyunlarının Əlaqələndirmə Komitəsinin birgə videokonfransı keçirilib.

Sportfm.az xəbər verir ki, bu barədə həmin toplantıda iştirak edən Milli Məclisin deputatı, İHİF İcraiyyə Komitəsinin və V İslam Həmrəyliyi Oyunları Əlaqələndirmə Komissiyasının üzvü Könül Nurullayeva məlumat verib.

Videokonfransda bir sıra nüfuzlu şəxslər, o cümlədən İHİF-in prezidenti şahzadə Əbdüləziz bin Türki əl-Faysal, Türkiyənin Gənclər və İdman naziri Mehmet Muharrem Kasapoğlu, eləcə də Milli Olimpiya komitələrinin (MOK) prezidentləri, İHİF İcraiyyə Komitəsinin və Əlaqələndirmə Komissiyasının üzvləri iştirak ediblər. Konfransda 2021-ci ildə Konyada keçirilməsi planlaşdırılan V İslam Həmrəyliyi Oyunlarının tarixinin koronavirus pandemiyası səbəbindən dəyişdirilməsi ilə bağlı məsələ müzakirə olunub və bu barədə müxtəlif təkliflər səsləndirilib. Videokonfrans iştirakçıları tərəfindən yarışların gələn il keçiriləcək “Tokio-2020” Yay Olimpiya və Paralimpiya Oyunlarından sonra təşkil edilməsi təklifi bəyənilib.

Toplantının sonunda V İslam Həmrəyliyi Oyunlarının Təşkilat Komitəsinə yeni təkiflər hazırlayaraq İHİF İcraiyyə Komitəsinin müzakirəsinə təqdim etmək tövsiyə olunub.

Xatırladaq ki, sonuncu İslamiada - IV İslam Həmrəyliyi Oyunları 2017-ci il mayın 12-dən 22-dək Bakıda keçirilib. İslam Həmrəyliyi Oyunları dörd ildən bir təşkil edilir.

Oxşar xəbərlər

İslam Həmrəyliyi Oyunlarının vaxtı dəyişdirildi

İslam Həmrəyliyi Oyunlarının təqdimatı keçirildi - FOTO

İslam Həmrəyliyi İdman Federasiyasının prezidenti istefa verdi

Həmyerlimiz İslam dünyasının idmançı xanımlarını bir araya toplayacaq - FOTO

"Bakı 2017" İslam Həmrəyliyi Oyunlarının Əlaqələndirmə Komissiyasının V iclası keçirilir