İtaliyanın idman naziri Vinçentso Spadafora futbol klublarının mayın 18-dək məşqləri bərpa edəcəklərinə dair xəbərləri təkzib edib. 

Sportfm.az xəbər verir ki, nazir bu barədə özünün "Facebook" səhifəsində yazıb. Bəzi qəribə xəbərlər gördüyünü bildirən Spadafora hazırda futbolla bağlı fikirlərində heç nəyin dəyişmədiyini söyləyib: "Komandalar hazırlıqlarını mayın 18-dək bərpa etməyəcək və mövsümün bərpasından da söhbət getmir".

Nazir vurğulayıb ki, hazırda digər idman növlərinə diqqət yetirməyi üstün tutardı. Onun sözlərinə görə, yaxın gələcəkdə idman və sağlamlıq mərkəzləri yenidən açıla bilər. 

Qeyd edək ki, İtaliya A Seriyası koronavirus pandemiyasına görə dayandırılıb. Daha öncə bir neçə klub bu həftədən məşqləri bərpa edəcəklərini açıqlayıb. 

Oxşar xəbərlər

İtaliya çempionatı ilə bağlı yekun qərar verildi

Mövsümün bərpasına icazə verildi

"Liverpul" məşqləri bərpa etdi

Çempionat yenidən təxirə salınacaq

Son qərarı Futbol Federasiyası verəcək - Çempionat keçirilsinmi?