Ukrayna Futbol Federasiyasının prezidenti Andrey Pavelko bu ölkədə koronavirus pandemiyasına görə dayandırılmış futbol mövsümünün tezliklə bərpa olunacağını bəyan edib.

Sportfm.az xəbər verir ki, o, Səhiyyə Nazirliyinin mayın 30-dan çempionatın davam etdirilməsinə icazə verdiyini bildirib:

“Böyük futbol Ukraynaya qayıdır! Elə indicə səhiyyə naziri Maksim Stepanovla danışdım. O, Ukrayna Premyer Liqasının və kubok oyunlarının mayın 30-dan davam etdirilməsinə razılıq verdildiyini təsdiqlədi. Çempionatın ən qısa müddətdə brəpa edilməsi üçün səy göstərən nazir, nazir müavini və baş sanitar Viktor Lyaşkoya təşəkkür edirəm. Futbol Assosiasiyasının İdarə Heyətinin üzvlərindən xahiş edirəm ki, çempionatın təqvimini təsdiqləsinlər”.

Qeyd edək ki, martdan bəri əksər Avropa ölkələrində olduğu kimi, Ukraynada da futbol dayandırılıb. Klublar bir müddət əvvəl məşqləri bərpa etsələr də, çempionatın nə vaxt bərpa olunacağı bilinmirdi.

Oxşar xəbərlər

Pavel Paşayev meydana çıxdı - FOTO

Bundesliqanın start vaxtı məlum oldu - Amanlar mübarizəyə başlayır

La Liqanın taleyi sual altındadır - Nazir açıqladı

Son qərarı Futbol Federasiyası verəcək - Çempionat keçirilsinmi?

Ukrayna da futboldan imtina etdi