Anar İsgəndərov və Aslan Bayramov adlı iki şəxs Daxili İşlər Nazirliyinin əməkdaşları tərəfindən tutulub.

Sportfm.az xəbər verir ki, onlar özlərini media işçisi kimi təqdim edib, işlədikləri jurnalların möhürü ilə təsdiq edilmiş saxta arayışları satarkən saxlanılıblar. 

Həmin şəxslər saxta sənəd satdıqları adamların xüsusi karantin qaydalarının tələblərini pozaraq, sərbəst hərəkət etmələrinə şərait yaradıblar.  

Qeyd edilən faktla bağlı Cinayət Məcəlləsinin 320-ci (Rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) və 139-1.1-ci (epidemiya əleyhinə və karantin rejimlərinin pozulması) maddələri ilə cinayət işinə başlanılıb. Bu cinayət əməllərini törətməkdə şübhəli bilinən hər iki şəxs tutularaq istintaqa cəlb olunub. 

Özünü “Sağlam Həyat Naminə” beynəlxalq elmi-tibbi jurnalın əməkdaşı kimi təqdim edən Aslan Bayramov əvvəllər idmançı olub. O, 2001-cü ildə Bakıda keçirilmiş boks üzrə yeniyetmələr arasında dünya çempionatının qalibi adını qazanıb. Ümumiyyətlə, həmin yarışda iki azərbaycanlı boksçu qalib ola bilib. Onlardan digəri Emil Məhərrəmov olub. 

Aslan Bayramov bu uğurunun arxasını gətirə bilməyib. O, yalnız 2008-ci ilin yanvarında 69 kq çəki dərəcəsində Azərbaycan çempionu olub. A.Bayramov həmin ilin iyulunda hərbi xidmətə göndərilən yeddi boksçumuzdan biridir. 

 (oxu.az)

Oxşar xəbərlər

Bəraət aldıqdan sonra öldürülən idmançının hökmü ləğv edildi - QƏRAR

Güləş Federasiyasından oğurluq edənlər tutuldu - VİDEO

Qətl törədən azərbaycanlı idmançı ilə bağlı qərar verildi - Ukraynada

Mahirin evini soyan oğrular saxlanıldı - Araşdırma davam edir

Bakıda futbol məşqçisi həbs edildi! - Uşaqlara qarşı seksual zorakılıq etdiyinə görə - ŞOK