Beynəlxalq dərəcəli hakimlərimiz Ələkbər Həsənov və Ruslan Xalıqov 2017-ci ildə Çexiyada keçiriləcək qadınlar arasında Avropa Çempionatının (FİBA EuroBasket Women) seçmə mərhələsinin oyunlarına təyinat aldılar. Sportfm.az Basketbol Federasiyasının rəsmi saytına istinaən xəbər verir ki, Ə.Həsənov noyabrın 19-da Odessada baş tutacaq Ukrayna - Almaniya və noyabrın 23-də  Kursk şəhərində Rusiya - Yunanıstan qarşılaşmalarına hakimlik edəcək.

Ruslan Xalıqov isə noyabrın 19-da Kursk şəhərində Rusiya - İsveçrə oyununa hakimlik edəcək.