Dünyada geniş yayılmış koronavirus pandemiyasına görə demək olar ki, bütün turnirlər ya təxirə salınıb, ya da ləğv olunub.

Sportfm.az saytı PFL-ə istinadən xəbər verir ki, bu pandemiyanın Azərbaycan Respublikasının ərazisində geniş yayılmasının qarşısının alınması üçün dövlət tərəfindən geniştərkibli addımlar atılır. Bu qəbildən olan addımlardan biri 14 mart-14 aprel tarixlərində ölkə ərazisində tətbiq olunan xüsusi rejimdir.

Bununla əlaqədar olaraq, Azərbaycanda kütləvi idman tədbirlərinin keçirilməsinə də qadağa qoyulub. PFL Nazirlər Kabinetinin yanında fəaliyyət göstərən Operativ Qərargahın göstərişini rəhbər tutaraq Azərbaycan 1-ci divizionu və Azərbaycan Premyer Liqasının 14 aprel tarixinə qədər bərpa olunmayacağını açıqlayıb.

14 aprel tarixdə tətbiq olunan məhdudiyyətlər aradan qaldırılsa, Peşəkar Futbol Liqası klubların baş məşqçiləri ilə görüş keçirib, ümumi vəziyyəti müzakirə edəcək və daha sonra yarışların bərpa tarixini ictimaiyyətə açıqlayacaq.

UEFA dünən keçirdiyi videokonfransdan sonra vəziyyətə uyğun olaraq, yerli liqaların 30 iyuna qədər yekunlaşdırılmasını bildirib. PFL hesab edirik ki, bu tarix Azərbaycan Premyer Liqası və 1-ci divizionun bərpası və başa çatdırılması üçün uyğundur.

Oxşar xəbərlər

Azərbaycanda azarkeş sayına limit aradan qaldırıldı

"Qəbələ"dən başqa heç bir klub məşq etməyəcək

Voleybol çempionatları yenidən təxirə salındı

Bakıdakı Dünya Kuboku yarımçıq dayandırıldı

Futzalımız da azarkeşsiz qalacaq - Qərar