Ukrayna birinci liqasında yarışan “Rux” klubu qapıçı Cavid Qurbanova dəvət ünvanlayıb.

Sportfm.az saytı xəbər verir ki, bununla bağlı rəsmi məktub futbolçunun klubu “Kəpəz”ə göndərilib. 17 yaşlı Cavid yanvarın 15-dən klubla ilkin tanışlıq və bəzi məşqlərdə iştirak üçün iki həftəliyə Lvova dəvət olunub.

Məktubda “Kəpəz” klubundan futbolçunun “Rux”un düşərgəsinə getməsinə icazə verməsi və mümkün transfer şərtləri ilə bağlı danışıqlara başlaması xahiş olunub.