Azərbaycan karateçisi İrina Zaretska Çilinin paytaxtı Santyaqoya yollanıb. 

Sportfm.az xəbər verir ki, qadın idmançı yanvarın 10-da start götürəcək Karate1 Seriya A turnirində iştirak edəcək. O, 3 gün davam edəcək yarışda 68 kq çəki dərəcəsində mübarizə aparacaq. 

Dünya və olimpiya reytinqinə başçılıq edən Zaretska Cənubi Amerikaya qadınlardan ibarət yığmanın baş məşqçisi Denis Morozovun rəhbərliyi altında gedib. Dünya Karate Federasiyasının (WKF) bayrağı altında keçiriləcək turnirə 65 ölkədən 466 idmançı qatılacaq. Yarışın hər bir mərhələsi idmançılara olimpiya reytinq xalları qazandıracaq.

Qeyd edək ki, bu, 2020-ci ildə karate üzrə ilk sınaq olacaq. 

Oxşar xəbərlər

Karateçimiz Yaponiyadakı turnirdə iştirak edəcək

Ağayev beynəlxalq turnirdə iştirak edəcək - Karate1 Premyer Liqa

"Brilliant Oğlan" lisenziya üçün Avstriyaya yollandı

Rafael Ağayev "Grand Winners" mükafatına layiq görülə bilər

9 azərbaycanlı Seriya A-da