Topaz Premyer Liqasının AZAL-la oyununda komandasına 1:0 hesablı qələbə qazandıran qolun müəllifi olan Muarem Muarem "Qarabağ”ın heyətində 30-cu dəfə rəqib qapısına yol tapıb. Sportfm.az PFL-in rəsmi saytına istinadən xəbər verir ki, yarımmüdafiəçi yubiley qolunu Ağdam təmsilçisindəki 159-cu matçında vurub. Muarem çempionatdakı 118 qarşılaşmada 22, 19 kubok matçında 4, avrokuboklardakı 22 görüşdə 4 dəfə fərqlənib. İlk qolunu 2012-ci il aprelin 22-də "Bakı” ilə çempionatdakı ev oyununda (2:4) vuran yarımmüdafiəçi komandasının öz meydanındakı matçlarda 14, səfərdə 15 dəfə rəqib qapısına yol tapıb. Daha bir qolu neytral meydanda vuran makedoniyalı 3 dubl müəllifidir. Səfərdə qeydə alınan dubllardan ikisi çempionat, biri kuboka təsadüf edib.

 

Mövsüm	Premyer Liqa	kubok	Avrokubok
2011/12	1	1	-
2012/13	5	-	-
2013/14	4	-	-
2014/15	7	1	2
2015/16	3	2	-
2016/17	2	-	2
Cəmi	22	4	4