Ukrayna polisi Premyer Liqanın XIV turunda keçirilmiş "Şaxtyor" - "Dinamo" matçındakı qalmaqaldan sonra cinayət işi qaldırıb.

Sportfm.az xəbər verir ki, iş "Vətəndaşların bərabər hüquqlarının pozulması" maddəsi ilə açılıb.

Görüşün 74-cü dəqiqəsində "Şaxtyor"un futbolçusu Tayson azarkeşlərin şüarlarından sonra onlara orta barmağını göstərib və topu kənara vurub.

Nəticədə oyun dayandırılıb və 31 yaşlı braziliyalı yarımmüdafiəçi göz yaşları ilə meydanı tərk edib. Görüş yenidən başlayandan sonra baş hakim Taysona qırmızı vərəqə göstərib.

Qeyd edək ki, Xarkovdakı "Metallist" stadionunda keçirilmiş qarşılaşma Şaxtyor"un 1:0 hesablı qələbəsi ilə yekunlaşıb. Oyundan sonra Donetsk təmsilçisi irqçilik, irqi ayrıseçkilik və ksenofobiyanı pisləyən bəyanat yayıb. 

Oxşar xəbərlər

"Şaxtyor" növbəti dəfə Ukrayna çempionu oldu

Futbol federasiyası gözlənilən cəzanı açıqladı

"Şaxtyor"un daha bir oyunçusu top klubun diqqətində

10-cu dəfə çempion oldular!

Milyonçular yalnız iki kluba məxsusdu