Azərbaycanın iki yunan-Roma güləşçisi Çinin Uxan şəhərində keçirilən Hərbçilərin Dünya Oyunlarında finala yüksəlib. 

Sportfm.az xəbər verir ki, həlledici görüşə Həsən Əliyev (77 kq) və Rafiq Hüseynov (87 kq) vəsiqə qazanıb. 

Əliyev 1/8 finalda erməni Varujan Qriqoryana 5:0, 1/4 finalda ukraynalı Dmitri Pişkova 7:1, yarımfinalda 2017-ci ilin serbiyalı dünya çempionu Viktor Nemeşə 3:2 hesabı ilə qalib gəlib. 

Hüseynov isə əvvəlcə ukraynalı Aleksandr Şişmanı 2:1, 1/4 finalda cənubi koreyalı Sanqyeok Parkı 5:1 hesablı qələbə, yarımfinalda 4 il əvvəl Bakıda keçirilmiş ilk Avropa Oyunlarının finalında uduzduğu Yevgeni Saleyevi ilk hissədə “tuşe” ilə üstələyib.

Qeyd edək ki, Həsən Əliyev finalda iranlı Peyman Poştamla, Rafiq Hüseynov isə macarıstanlı Viktor Lorintslə qarşılaşacaq.

Oxşar xəbərlər

Azərbaycanın güləşçiləri finalda - Avropa çempionatı

Daha 3 güləşçimiz finalda - İslamiada

İki güləşçimiz Avropa çempionu oldu - UĞUR

Rafiq Hüseynov dünya çempionu oldu

Güləşçilərimiz Dünya Oyunlarında mübarizə aparacaq