Rumıniyanın "Styaua” klubunun sahibi Cici Bekali maraqlı açıqlamayla Türkiyə mətbuatının gündəminə gəlib.  Komanda.az xəbər verir ki, klub sahibi yaxşı oynamayan futbolçularını Türkiyəyə göndərdiyini deyib. Bekali Rumıniya mətbuatına açıqlamasında bunları bildirib:  "Futbolçular və məşqçilər klub sahiblərinin qulu olmasa da, xidmətçisidi. Biri gedər, digəri gələr. Mənim xidmətçilərimin hamısı milyonçudu. Yaxşı oynamayan futbolçuları Türkiyəyə satıb milyonçu edərəm. Yaxşı oynayanları isə Avropa klublarına göndərirəm”.  

Xatırladaq ki, Bekali son olaraq Boqdan Stanku və Robinson Zapatanı "Qalatasaray”a, Aleksandru Burçanunu isə "Trabzonspor”a göndərmişdi.