"Sumqayıt"dan ayrıldıqdan sonra ölkə daxilində klub tapmadığı üçün karyerasını məcburiyyətdən başa vurduğunu bəyan edən Nicat Qurbanovdan yeni xəbər var. 

Sportfm.az xəbər verir ki, 27 yaşlı yarımmüdafiəçi karyerasını Gürcüstanda davam etdirəcək. Qurbanov II liqa təmsilçisi "Samtredia"ya transfer olub. Tərəflər 6 aylıq müqaviləyə qol çəkib. 

"Samtredia" mövsümün ilk yarısını 32 xalla 3-cü yerdə başa vurub. Mövsümün ikinci yarısına avqustun 4-də start veriləcək. 

Nicat "Sportal"a açıqlamasında transferiylə bağlı fikirlərini bölüşüb: "Bura gəlməyimdə mənə kömək olan azərbaycanlı agent Vaqif Heydərliyə sizin vasitənizlə bir daha təşəkkür edirəm. Həqiqətən də mənə çox kömək oldu. Bildiyiniz kimi, futbolla vidalaşmışdım, amma zəng elədi, bu məsələdə kömək etdi. İnşallah, xeyirli bir zaman keçirərəm burada. Həm özümü, həm də mənə dəstək olanları sevindirərəm". 

"Neftçi"nin yetirməsi olan Nicat Qurbanov "Simurq", AZAL, "Zirə", "Kəpəz" və "Sumqayıt" klublarında da çıxış edib. Nicat Azərbaycanın U-17 və U-19 yığmalarının üzvü olub.

Oxşar xəbərlər

Qurbanov karyerasını başa vurdu - Məşqçiliyə başladı

Gürcüstan klubunun futbolçusu "Keşlə"də - RƏSMİ

Nicat Qurbanov "Samtredia"nı tərk etdi - “Keşlə”də davam edəcək

Nicat Qurbanov Gürcüstanda qələbə qolunu vurdu

"Sumqayıt"ın futbolçusu 27 yaşında karyerasını bitirdi: "11 yaşdan çıxdığım bu çətin və çox maraqlı yol bu gün bitdi"