Rikardo Montolivo qış fasiləsində "Milan”ı tərk edə bilər. Qol.az-ın İspaniya mətbuatına istinadən yaydığı xəbərə görə, "Valensiya” təcrübəli yarmmüdafiəçinin xidmətində maraqlıdır. "Yarasalar”ın yeni baş məşqçisi Çezare Prandelli klub rəhbərliyindən həmyerlisinin heyətə cəlb olunmasını istəyib. "Valensiya” Montolivoya görə "Milan”a 10 milyon avro təklif edəcək. Futbolçunun "Qırmızı-qaralar”la hazırkı müqaviləsi 2019-cu ilin yayına kimi nəzərdə tutulub. 

Xatırladaq ki, Prandelli İtaliya millisini çalışdırdığı vaxt Montolivo onun ən çox güvəndiyi futbolçulardan biri olub.