Yüngül çəkidə UFC çempionu Həbib Nurməhəmmədov təşkilatla yeni müqaviləsi və onun xüsusiyyətlərindən danışdı.

Sportfm.az xəbər verir ki, rusiyalı idmançı danışıqların çətin keçdiyini boynuna aldı.

"Müqavilənin şərtlərini açıqlamaq istəmirəm, amma nəticədə istədiyim kimi oldu. Deyə bilmərəm ki, UFC-nin ən yaxşı müqaviləsidir, lakin ən yaxşı üçlüyə daxil etmək olar", - Nurməhəmmədov vurğulayıb və əlavə edib ki, liqanın qarşısında beş şərt irəli sürüb: "Mən liqaya şərtlərimin yerinə yetirilməyəcəyi təqdirdə yeni müqavilə imzalamayacağımı bildirdim. Mən və komandam bunu qazanmışıq".

Nurməhəmmədov sentyabrın 7-də Abu-Dabidə Dastin Porye ilə baş tutacaq döyüşə hazırlıqların necə getdiyindən də danışdı.

"Hazırda bir ay müddətində dağlarda məşqlər keçməliyəm, sonra isə iki ay ərzində AKA-nın zalında hazırlaşacağam. Nəhayət, son 15 gündə isə Abi-Dabidə mühitə uyğunlaşmaq üçün məşqlər keçəcəyəm", - deyə çempion bildirib.

Oxşar xəbərlər

Həbib Nurməhəmmədov ikinci oldu

Nurməhəmmədov növbəti qələbəsini qazandı

Nurməhəmmədov Porye ilə döyüşədən 6 milyon alacaq

Nurməhəmmədov karyerasını bitirməsi barədə danışdı

Nurməhəmmədov hərəkətinə görə üzr istədi - Bu, mənim pis hərəkətim idi...