Aprelin 19-da Mərakeşin paytaxtı Rabatda Karate 1 Premyer Liqa seriyasından turnir start götürəcək. Aprelin 21-dək davam edəcək nüfuzlu yarışda Azərbaycanı 14 idmançı təmsil edəcək.

Sportfm.az xəbər verir ki, kişilərdən ibarət yığma komandamızın heyətində Firdovsi Fərzəliyev (60 kq), Rafiz Həsənov, Hümmət Baxşəliyev (hər ikisi 67 kq), Rafael Ağayev (75 kq), Ayxan Mamayev, Pənah Abdullayev, Turqut Həsənov (hər üçü 84 kq), Şahin Atamov və Asiman Qurbanlı (84 kq-dan yuxarı) yer alıblar. Qadınlar arasında yarışlarda Nuranə Əliyeva (50 kq), İlahə Qasımova (55 kq), Fəridə Abiyeva (61 kq) və İrina Zaretska (68 kq) mübarizə aparacaqlar. Roman Heydərov isə kata üzrə yarışda qüvvəsini sınayacaq.

Karate 1 Premyer Liqa turnirinin Rabat mərhələsində 78 ölkədən 661 idmançı mübarizə aparacaq.

Oxşar xəbərlər

Millimizin heyəti açıqlandı - Dünya çempionatı

İdmançılarımız Madriddə mübarizəyə başlayır

İdmançılarımız Premyer Liqa turnirində iştirak edəcəklər

Karate 1 Premyer Liqa seriyasına start verildi

Milli komandamız Premyer Liqaya yola düşür