Fevralın 21-də Moskvada ənənəvi “Aeroflot open” şahmat turnirinin ikinci turunun oyunları keçiriləcək.

Sportfm.az xəbər verir ki, güclü şahmatçıların yarışdığı A turnirində mübarizə aparan hər iki təmsilçimiz ilk turda qələbə qazanıblar. Rauf Məmmədov rusiyalı Semyon Lomasovu, Eltac Səfərli isə Ermənistan təmsilçisi Aram Hakobyanı məğlub ediblər.

İkinci turda Rauf Məmmədov rumıniyalı Boqdan Deakla, Eltac Səfərli isə hindistanlı Çitanbaram Aravindx ilə qarşılaşacaqlar.

Turnirin B qrupunda mübarizə aparan altı şahmatçımızdan yalnız biri qələbə qazana bilib. Gənc şahmatçımız Vüqar Əsədli rusiyalı Ruslan Yandarbiyevdən güclü olub. Təmsilçilərimiz Məhəmməd Muradlı, Aydın Süleymanlı, Read Səmədov və Ülviyyə Fətəlliyevanın ilk turdakı oyunları heç-heçə nəticələnib. Xanım Balacayeva isə çinli Ninq Kayuya məğlub olub.

Oxşar xəbərlər

Eltac Səfərli ilk üçlükdən yarım xal geridə

Şahmatçılarımız “FIDE Grand Swiss 2019”-da mübarizə aparacaqlar

Şahmatçılarımızın olduğu hoteldə bomba həyəcanı - FOTO

Şahmatçımız Birləşmiş Ərəb Əmirliklərində ikinci oldu

“Aeroflot Open–2018” turnirində ölkəmizi beynəlxalq qrossmeyster təmsil edəcək