Bu gün AFFA-nın İntizam Komitəsinin iclası keçirilib.  

Sportfm.az xəbər verir ki, iclasda Azərbaycan Premyer Liqasının 15-ci turunda baş verən hadisələrlə bağlı qərarlar qəbul edilib: 

Azərbaycan Premyer Liqasının XV turunun “Zirə” – “Sabah” matçında  “Zirə” və “Sabah” klublarının  4 futbolçusu sarı vərəqə ilə cəzalandığı  üçün hər iki klub 800 manat cərimə olunur.

Oyunun 25-ci dəqiqəsində  “Sabah”  klubunun 19 №-li futbolçusu  Məqsəd İsayev  ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur. 

Oyunun  62-ci dəqiqəsində “Zirə” klubunun 6 №-li futbolçusu Vüqar Mustafayev aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır, klub 1600 manat cərimə olunur.

“Zirə” və “Sabah” klubları matçın protokolunu vaxtında təqdim etmədiklərinə görə hər iki klub 800 manat cərimə olunur.
Azərbaycan Premyer Liqasının XV turunun “Qəbələ” – “Sumqayıt” matçında  hakimlər otağında lazımı inventarlar olmadığına görə klub 1600 manat cərimə olunur.

Oxşar xəbərlər

"Neftçi"nin məşqçisinə ağır cəza verildi

"Qəbələ" azarkeşə görə cərimələndi

"Zirə"yə texniki məğlubiyyət verildi

Cavidin cəzası açıqlandı

"Kəpəz" 2400 manat cərimə olundu