FİFA dünya futbol klublarının 2018-ci il üçün transfer hesabatını təqdim edib. 

Sportfm.az xəbər verir ki, keçən il 13 Azərbaycan klubu beynəlxalq transfer əməliyyatlarında iştirak edib. Bu, 2017-ci illə müqayisədə 35 faiz aşağıdı. 

Azərbaycan klubları futbolçu transferləri zamanı il ərzində ümumilikdə 2,1 milyon dollar xərcləyib. Bu, 2017-ci illə müqayisədə 61,6 faiz azdı. Ölkəmiz bu göstəricidə 47-ci sıradadı. 

Transferlərdə qazanclar isə az qala ikiqat artıb. Klublarımız keçən il futbolçu satışından 1,4 milyon dollar qazanıb. Bu isə 2017-ci illə müqayisədə 95,7 faiz çoxdu. Azərbaycan bu göstəriciyə görə 73-cüdü. 

Xərc və gəlirlərin fərqinə gəlincə, burda 0,7 milyon avro ziyan qeydə alınıb. 

Keçən il xarici klublardan 77 futbolçu Azərbaycana transfer olunub (2017-ci illə müqayisədə 30 faiz az). Azərbaycan klublarını tərk edən futbolçuların sayı isə 58 olub. Bu göstərici bir il əvvəllə müqayisədə 16 faiz çoxdu.

Oxşar xəbərlər

Azərbaycan klublarının 2023-cü ildəki ümumi gəlirləri

Transfer üçün xərclənən pulların məbləği pik həddə çatdı - REKORD

AMADA açıqladı - Antidopinq qayda pozuntularını

Klubların transferlər üçün xərclədiyi məbləği açıqlandı

Formula 1 Azərbaycan Qran-Prisini 94 min tamaşaçı izlədi