2018-2019-cu illər mövsümünün ikinci yarısının hazırlıqlarını Bakıda davam etdirən “Qəbələ” qış fasiləsində ikinci transferini gerçəkləşdirib. 

Sportfm.az klubun saytına istinadən xəbər verir ki, “qırmızı-qaralar” gürcüstanlı futbolçu Davit Volkovini heyətinə qatıb. 24 yaşlı hücumçu ilə 1 illik müqavilə imzalanıb. 

Son klubu “Saburtalo” olan Volkovi 2017-2018-ci illərdə bu komandanın formasını geyinib. Hücumçu bunadək Gürcüstanda “Qaqra” (2012-2013), Tbilisi “Dinamo”su (2013-2016), həmçinin icarə əsasında oynadığı “Dinamo-2” (2013-2015), “Çixura” (2016) və “Sioni”də (2016) çıxış edib. Davit 2017-ci ildə Serbiyanın “Zemun” klubunda legioner həyatı yaşayıb. 

Xatırladaq ki, “Qəbələ” bunadək Azərbaycan millisinin qapıçısı Anar Nəzirovu transfer edib.

Oxşar xəbərlər

“Qəbələ” “Neftçi”nin hücumçusunu rənglərinə qatdı

"Qəbələ"də braziliyalı hücumçu - Transfer

"Sabah" millinin hücumçusu ilə gücləndi - Keçid

Anar Nəzirov rəsmən "Qəbələ"də! - FOTO

Nigeriya yığmasının üzvü "Qəbələ"də - RƏSMİ