Bu gün 2018-2019-cu illər mövsümünün ikinci yarısının hazırlıqlarına start verən “Qəbələ” qış fasiləsində ilk transferini gerçəkləşdirib. 

Sportfm.az klubun saytına istinadən xəbər verir ki, “qırmızı-qaralar” Azərbaycan milli komandasının üzvü Anar Nəzirovu sıralarına qatıb. Son klubu "Zirə" olan 34 yaşlı qapıçı ilə 1,5 illik müqavilə imzalanıb. 

2010/11, 2012/13, 2013/14 və 2014/15 mövsümlərində də “Qəbələ”də çıxış edən Nəzirov “qırmızı-qara” formada ümumilikdə 28 oyun keçirib. Bunlardan 25-i Premyer Liqa, 3-ü Azərbaycan kubokuna təsadüf edib. Anar karyerası ərzində həmçinin “Kəpəz”, “Turan”, “Neftçi”, “Standard” və “Sumqayıt”ın da formasını geyinib. O, Premyer Liqada 219 matç keçirib. 

Azərbaycan milli komandasında 2012-ci ildə debüt edən qolkiper əsas yığmada indiyədək 4 matçda meydana çıxıb.

Oxşar xəbərlər

“Qəbələ” “Neftçi”nin hücumçusunu rənglərinə qatdı

Azərbaycan millisinin qapıçısı "Qəbələ"də - 1 illik müqavilə

"Qəbələ" ilk transferini reallaşdırdı - 1 illik müqavilə

"Qəbələ" akademiyasının yetirməsi ilə müqavilə imzaladı - FOTO

"Qəbələ" yeni transferini açıqladı - FOTO