Kişi boksçulardan ibarət Azərbaycan millisi yeni ilin ilk təlim-məşq toplanışına start verib.

Sportfm.az xəbər verir ki, baş məşqçi Vaqif Şirinov hazırlığa 26 nəfər dəvət edib. Bunlar ölkə çempionatının finalçıları, həmçinin həlledici görüşə vəsiqə qazanmayan, lakin öz çıxışları ilə məşqçilər korpusunun diqqətini cəlb edən boksçulardır.

Göygöldə təşkil olunan toplanış yanvarın 27-də başa çatacaq. Məşqlərdə əsas diqqət funksional hazırlığa yönələcək.

Qeyd edək ki, təlimlər fevralda Rusiyada keçiriləcək yoldaşlıq görüşlərinə və Bolqarıstanda baş tutacaq beynəlxalq turnirə hazırlıq məqsədi daşıyır.

Oxşar xəbərlər

Toplanış davam edir

Olimpiya kompleksi də işə yaradı - hazırlıq başladı

Yığmamız yeni baş məşqçi ilə hazırlığa başladı

Millimiz ilk təlim-məşq toplanışını başa vurdu

Millimiz hazırlığa başlayır - Düşərgəyə 23 idmançı cəlb edilib