Bu gün Azərbaycan milli komandasının beynəlxalq səviyyəli rəsmi oyunlardakı ilk qələbəsindən 20 il ötür. Sportfm.az qol.az-a istinadən xatırladır ki, 1996-cı ilin avqustun 31-də millimiz Tofiq Bəhramov adına Respublika stadionunda İsveçrə komandasını qəbul edib. DÇ-1998-in seçmə mərhələsinin ilk qrup oyunu çərçivəsində keçirilən bu qarşılaşmada komandamız 1:0 hesabı ilə qalib gəlib. Yeganə qolu 26-cı dəqiqədə Vidadi Rzayev vurub. Bu qələbə o vaxt Avropa futbolunda əsl sensasiya kimi qiymətləndirilib. 

Aşağıda təqdim etdiyimiz videoda qolun müəllifi V.Rzayev, ötürməni edən Yunis Hüseynov və o dövr komandanın baş məşqçisi olan Kazbek Tuayevin həmin matçla bağlı fikirlərinə yer verilib.