İsveçrənin Bazel şəhərində keçirilən IX Open Masters 2018 turnirində karateçilərimiz gözəl nəticə ilə yadda qalıb.

Sportfm.az xəbər verir ki,on idmançı ilə qatılan karate millimiz 11 kubok (bu yarışda medal əvəzinə kubok verirlər) qazanıb.

Belə ki, Rafael Ağayev (75 kq), Asiman Qurbanlı (+84 kq), Rafiz Həsənov (67 kq) və İrina Zaretskaya (68 kq) qızıl, Tural Ağalarzadə (67 kq), Şahin Atamov (+84 kq) gümüş, Nuranə Əliyeva (50 kq) və Firdovsi Fərzəliyev (60 kq) isə bürünc kuboka yiyələnib.

Master Klassda (bu kateqoriyada bütün çəkilər mübarizə aparır) Şahin Atamov və İlahə Qasımova gümüş, İrina Zaretskaya bürünc kubok qazanıb.

Qeyd edək ki, karateçilərimiz İsveçrədə qalaraq Almaniyanın paytaxtı Berlində keçiriləcək Premyer Liqa yarışlarına hazırlaşacaq.

Oxşar xəbərlər

İdmançılarımız Madriddə mübarizəyə başlayır

Mərakeşdə Azərbaycanı 14 idmançı təmsil edəcək

9 azərbaycanlı Seriya A-da

Karate 1 Premyer Liqa seriyasına start verildi

Millimiz Premyer Liqa turnirinə yollandı