Rio-2016 Yay Olimpiya Oyunlarının boks yarışında 1/4 final mərhələsinin növbəti görüşləri keçirilib. Apasport.az saytının məlumatına görə, Azərbaycan yığmasının daha bir idmançısı rinqə çıxıb. 1/8 finalda qazaxıstanlı Oljas Sattibayevi mübarizədən kənarlaşdıran dünya çempionumuz Elvin Məmişzadə ikinci qarşılaşmasında özbəkistanlı Şaxobidin Zoirovla üz-üzə gəlib. Görüşün gərgin keçəcəyi gözlənilən idi. Çünki 52 kq çəki dərəcəsində baş tutan bu qarşılaşmada qalib gələn boksçu yarımfinala yüksəlməklə özü üçün ən azı bürünc medalı da təmin edəcəkdi. Təəssüf ki, təmsilçimiz bu uğura nail ola bilməyib. Rəqibinə hər üç raundda məğlub olan təmsilçimiz Olimpiadada çıxışını başa vurub.

 

Qeyd edək ki, boks yığmamızın iki üzvü Lorenzo Sotomayor (64 kq) və Kamran Şahsuvarlı (75 kq) yarımfinala vəsiqə qazanıblar və hər iki idmançının çempionluq şansları davam edir.