Ermənistan və Gürcüstan yığmaları Millətlər Liqasında bizimlə eyni qrupda yer alan Azərbaycan, Kosovo və Farer adaları komandalarına çox bənzəyirlər. Xüsusən də Ermənistan və Kosovo kollektivləri oxşardır.

Sportfm.az saytı report-a istinadən xəbər verir ki, bunu UEFA Millətlər Liqasında Azərbaycanla yeni qrupda yer alan Malta yığmasının baş məşqçisi Rey Farruciya mayın 29-da Ermənistan, iyulun 1-də isə Gürcüstana qarşı keçirəcəkləri yoldaşlıq görüşləri barədə danışarkən deyib.

63 yaşlı mütəxəssis yoldaşlıq oyunlarının Millətlər Liqasına hazırlıq baxımından çox önəmli olduğunu söyləyib. "Bütün futbolçular, xüsusən də gənclər faydalı təcrübə qazanacaqlar. Hər kəsin yaxşı formada olduğu görünür. Hərçənd, Andre Şembri, Byorn Kristensen, Zak Muskat, Jan Pol Farruciya və Yohann Betsina zədə üzündən düşərgəni tərk etməli oldular. Əlbəttə, çətinliklərimiz var. Lakin biz onları həll etmək üçün buradayıq. Bu, tədricən və çətin proses olacaq. Hər kəsin dəstəyi lazımdır. Hesab edirəm ki, düzgün istiqamətdə hərəkət edirik".

Oxşar xəbərlər

Maltanın məşqçisi: "Millətlər Liqasına macəra kimi baxırıq"

"Azərbaycanla oyunda yaxşı nəticə qazanacağımıza inanıram" - Rəqibin baş məşqçisi

Baş məşqçi yığmamızı güclü rəqib saymır! - Açıqlama

Kosovo Futbol Federasiyasının prezidenti Azərbaycan yığmasını təriflədi

Malta yığmasının baş məşqçisi: Udmağa çalışacağıq