UEFA Çempionlar Liqasının üçüncü təsnifat mərhələsinin cavab oyunları çərçivəsində keçiriləcək "Qarabağ” – "Viktoriya” matçının hakimləri açıqlanıb. Sportfm.az klubun rəsmi saytına istinadən xəbər verir ki, Azərbaycan və Çexiya çempionlarının avqustun 2-də keçiriləcək qarşılaşması türkiyəli hakimlərə tapşırılıb. Bakıda baş tutacaq görüşü Hüseyn Göçek idarə edəcək. Ona həmyerliləri kömək edəcək.

Qeyd edək ki, bu komandalar arasında Plzendə keçirilmiş görüşdə qapılara qol vurulmayıb - 0:0.

UEFA Çempionlar Liqası

Üçüncü təsnifat mərhələsinin cavab oyunu

2 avqust

20:30. "Qarabağ” - "Viktoriya”

Baş hakim: Hüseyin Göçek.

Baş hakimin köməkçiləri: Mustafa Əmrə Eyisoy, Kemal Yilmaz.

Dördüncü hakim: Bariş Şimşek (hamısı Türkiyə).

Hakim-inspektor: İqor Satkii (Moldova).

UEFA nümayəndəsi: Andreas Akkelides (Kipr).

Bakı. Tofiq Bəhramov adına Respublika stadionu.