Triatlon üzrə Azərbaycan yığmasının üzvü Rostislav Pevstov Çinin Çenqdu şəhərində keçirilən Dünya Kubokunda qızıl medal qazanıb.

Sportfm.az xəbər verir ki, yarış iki mərhələdən ibarət olub. Əvvəlcə idmançılar yarımfinalda mübarizə aparıblar. Rostislav yarımfinalda 5-ci olub və finala yüksəlib.

İdmançımız finalda 500 metrlik su məsafəsini 6 dəqiqə 29 saniyəyə başa vurub. Sonra 10 kilometrlik veloyürüşü 13 dəqiqə 43 saniyəyə qət edib. Yarışın sonuncu mərhələsi – 2,5 kilometr məsafəyə qaçış üzrə isə R.Pevtsov 7 dəqiqə 03 saniyəlik nəticə göstərib. Ümumi hesablamada 28 dəqiqə 18 saniyə vaxt göstəricisi ilə R.Pevtsov birinci yerə layiq görülüb.

Xatırladaq ki, Pevtsov cari mövsümdə Las Palmasda keçirilən Avropa Kubokunda ikinci olub və Misirin Şarm əş-Şeyx şəhərində təşkil olunan Açıq Afrika Kuboku yarışlarında gümüş medal qazanıb.

Oxşar xəbərlər

Təmsilçimiz 4-cü oldu

Azərbaycan triatlonçusu 8-ci oldu - Avropa kuboku

Azərbaycanlı idmançı qızıl medal qazandı - Avropa kuboku

Triatlonçumuz Avropa kubokunda gümüş medal qazandı

Koreyaya getdi, gümüş medal qazandı - Azərbaycanlı idmançıdan böyük uğur