İyulun 26-da Azərbaycan Premyer Liqasının 2016/2017-ci illər mövsümünün püşkatma mərasimi keçirilib. Sportfm.az xəbər verir ki, tədbir saat 12:00-da AFFA-nın inzibati binasında təşkil olunub.

Püşkatmada Peşəkar Futbol Liqasının prezidenti Ramin Musayev, qurum rəsmiləri, klub nümayəndələri və jurnalistlər iştirak ediblər. Qarşıdakı mövsümdə Premyer Liqamızda 8 klub iştirak edəcək və yenə 4 dövrədən ibarət mübarizə olacaq. Tədbirdə çempionatın startının tarixi də açıqlanıb. Mövsümə avqustun 6-da start veriləcək. Həmin gün başlayacaq ilk tur ayın 7-də yekunlaşacaq.

 

Püşkün nəticəsinə əsasən, birinci turda aşağıdakı oyunlar keçiriləcək: 

"Qarabağ” (Ağdam) - "İnter” (Bakı)

"Qəbələ” (Qəbələ) -  "Kəpəz” (Gəncə)

AZAL (Bakı) -  "Neftçi” (Bakı)

"Zirə” (Bakı) - "Sumqayıt” (Sumqayıt)