Bakının "İnter” klubu Türkiyə toplanışı çərçivəsində növbəti yoxlama görüşünü keçirib. Sportfm.az klubun rəsmi saytına istinadən xəbər verir ki, "bankirlər” dünən "Gənclərbirliyi” ilə qarşılaşıblar. Superliqa təmsilçisi ilə görüşdə "İnter"in 4:0 hesablı qələbə qazanıb. Bakılıların qollarına Samir Zərgərov (2), Fuad Bayramov və Mirhüseyn Seyidov imza atıblar.

 

Qeyd edək ki, "İnter" əvvəlki yoxlama oyunlarında "Kasımpaşa"ya qalib gəlmiş (2:1), "Elazığspor"la isə heç-heçə etmişdi (0:0).